Judul : PRK DUN Pujut deka terus dipejalaika kena 4 Julai
link : PRK DUN Pujut deka terus dipejalaika kena 4 Julai
PRK DUN Pujut deka terus dipejalaika kena 4 Julai
KUCHING: Proses Pengawa Bepilih Mit (PRK) Kunsil Nengeri (DUN) Pujut deka terus dipejalaika kena 4 Julai tu, seagi nadai perintah ari kort ti minta nya diketu tauka digantung.
Chairman Komiti Pengawa Bepilih (SPR) Malaysia, Datuk Seri Mohd Hashim Abdullah madahka, taja pia pekara nya bepanggai ngagai kort berindik ari pekara tu ti udah difailka ngagai kort.
“Bekaul enggau saman ti difailka Dr. Ting Tiong Choon ke kala nyadi Kaban Kunsil Nengeri (ADUN) Pujut, Sarawak baka ke diripotka media, SPR bebendar madah ditu, seagi nadai perintah kort ti minta pengawa nya diketu tauka ngantung proses PRK DUN Pujut baka ke ditetapka dalam writ pengawa bepilih iya nya kena 4 Julai 2017, SPR tetap neruska proses nya nyentuk bisi penerang bukai ari kort bekaul pekara nya.
“Laban pekara tu udah difailka di kort, nya alai diatu tu bepanggai ngagai kuasa kort.
“Nya alai, kelalu tumu amat endur SPR meri penerang pasal asil pemutus kort nya bekaul enggau peminta ngetuka proses PRK nya,” ku iya nengah penerang berita.
Ensanus, Dr. Ting ke kala nyadi Kaban Kunsil Nengeri (ADUN) Pujut ari DAP, udah ngaga saman pemun ba Kort Tinggi ngagai lima piak iya nya ti nyengkaum Speaker Kunsil Nengeri Datuk Amar Mohamad Asfia Awang Nassar, Dato Sri Wong Soon Koh, Kunsil Nengeri Sarawak, Perintah Nengeri Sarawak enggau Komiti Pengawa Bepilih (SPR) Malaysia.
SPR sebedau tu madahka hari bulan PRK DUN Pujut deka diatur kena 4 Julai ke deka datai tu.
Lalu hari ngajung nama chalun kena 20 Jun tu bepalan ba Dewan Suarah Miri.
PRK DUN Pujut diatur berindik ari sitak nya puang ditinggalka ADUN DAP, Dr. Ting Tiong Choon ti diketuka ba Kunsil Nengeri Sarawak.
SPR bisi milih 483 orang ba pengawa bepilih ti bejalaika proses PRK nya ti mungkur belanja urung RM838,536.
Bisi 20,070 iku pengundi berejista ke ulih ngundi ba PRK Pujut.
Kena 12 Mei, DUN Sarawak ngetuka pangku pengawa Dr Ting nyadi ADUN Pujut pengudah perambu Menteri Dagang Antarabansa enggau E-Dagang, Dato Sri Wong Son Koh ti mega ADUN Bawang Asan mantaika iya nya Dr Ting bisi dua peranak menua iya nya ari menua Malaysia enggau Australia.
Perambu nya diterima pengudah nerima sukung 70 ADUN, lalu 10 ke bukai enda setuju.
Maya pengawa bepilih nengeri (PRN) Ke-11 Dr. Ting ti menang ba sitak nya teulihka 8,899 undi ngalahka chalun Barisan Nasional (BN) Hii King Chiong (7,140 undi), chalun PAS Jofri Jaraiee (513 undi) enggau chalun Bebas Fong Pau Teck (375 undi).-Utusan Borneo Online
✍ Sumber Pautan : ☕ SARAWAKIANA
Kredit kepada pemilik laman asal dan sekira berminat untuk meneruskan bacaan sila klik link atau copy paste ke web server : http://ift.tt/2t0g3AQ
(✿◠‿◠)✌ Mukah Pages : Pautan Viral Media Sensasi Tanpa Henti. Memuat-naik beraneka jenis artikel menarik setiap detik tanpa henti dari pelbagai sumber. Selamat membaca dan jangan lupa untuk 👍 Like & 💕 Share di media sosial anda!
Appear first on Times News Malaysia
Demikianlah Artikel PRK DUN Pujut deka terus dipejalaika kena 4 Julai
Sekianlah artikel PRK DUN Pujut deka terus dipejalaika kena 4 Julai kali ini, mudah-mudahan bisa memberi manfaat untuk anda semua. baiklah, sampai jumpa di postingan artikel lainnya.
Anda sekarang membaca artikel PRK DUN Pujut deka terus dipejalaika kena 4 Julai dengan alamat link https://timesnewsmalaysia.blogspot.com/2017/06/prk-dun-pujut-deka-terus-dipejalaika.html